No ano 2007 as xornadas foron unha semana de intensa actividade onde unha vez máis participou un gran número de persoas.
Na Facultade de Farmacia e co lema “Contra a prohibición, información“, as xornadas comezaron coa colaboración dos compañeiros de AVE María de Vigo, onde “compartiron” con nos unha das primeiras experiencias de cultivos de cannabis colectivos realizados en Galiza. O mércores foi o día do “Obradoiro de Autodefensa” contra a Lei Corcuera, coa colaboración de diferentes persoas da Universidade Popular e da asociación PreSOS. As actividades en Farmacia remataron o xoves coa proxección do documental “Jardines de Dios”.
O venres trasladamos as xornadas á Sala Nasa, empezando a tarde coa charla sobre “Drogodependencias, VIH, e Xénero”, que Marisa Fernández do Colectivo Moucho ofreceu ao público que enchía a sala. Despois dun animado coloquio e para coller forzas para os concertos, demos paso á Merendola Popular na Carballeira de San Lourenzo nun día ben soleado.
As xornadas remataron cos concertos de Marquinhos Drinkin’, Ruxe Ruxe e Os Tres Trebóns nunha Sala Nasa desbordada pola cantidade de público alí presente, que reivindicaba unha vez máis un cambio das políticas sobre drogas, máis información e menos prohibición.
A Xuntanza Antiprohibicionista 